नोँ जेरै आं एरै Poem by Ronjoy Brahma

सनानि मुखुदखौ आंबो मोनगानदोँ
गिदिँ गिदिँ सुरुनसि मोसानो
समायना दखना लाइगांजोँ
बयबो फैगोन नायनो
बैसागुआ सफैब्लानो
-
थांखिनि फैसालि होसो होसो
नोँ अनजालिखौ बावगारो
नङासै?
दा अनजालिया नोँनि आंनो
-
बैसोआव नोँ गेदेर
बेखायनोथ' आं नोँनि उन उन
नोँ जेरै आं एरै
जेब्लासिम लामानि फैसालि गोमाया
-
नोँ बिरोब्ला आंबो बिरगोन
मानोना गोहोआ दं आंहाबो
नोँनि आगानजोँ आंहाबो
उदां बिरदावनो गोसो
-
नोँ थैनो हायोब्ला
लोगो आंबो थैगोन
नोँ सिगां नाथाय-
लामायाव आदामारा खैसार
गंसेल'
नोङो सिगां गास'नोब्ला
आं? ? ?
आं रैखा खालामगोन
फलाननि हेँथायैबो जुजिगोन
एबा आं गारना खारथारनाय नङा
-
लोगो आंनिख्रुइ नोङो गियानि
बेखायनोथ'-
नोँ आंनि सिगां सिगां
आं उन्दै नोँनि उन उन।