मुंख्लंफोरनो Poem by Ronjoy Brahma

नोँसोर रैखाथि होग्रा
सुथुरनो गावनि जिउ बावनानै
दुलाराय सुबुं माहारिनि
-
नोँसोर हादोद अनफावरि
सुथुरखौ होबथानानै
हादोदनि जौगाथाइनि बेरा
-
नोँसोरनि मुंख्लंआ दुखु होयो
मानोना जोँ थिनहरदोँमोन नोँसोरखौ
नोँसोर जोँखौ नागारलाङो
-
मेँनाय गैयै गोसो लानानै
गोसो गुदुं जोहोलाव नोँसोर
हादोदनि मावथि मावसोम
-
जोहोलावफोर नोँसोरनि थाखाय
दिनै बयबो मान बावो
नोँसोरनि गोहो साहसखौ दिनैबो
बिखा फोर्दान फोर्दान बाखोनायो
-
नोँसोरमोन जोँनि दावहारु
नोँसोरमोन जोँनि रैखाथिनि
जोँ गोसो खाङो दिनै
सोरजिगिरिनि खाथियाव गाहाम हामथियो
मुलुगानो नोँसोरखौ दिनै गंग्लायो।