बिसोरनि बिबुंथि खोनासंनानै
बिजिरख'नो हायै खन्थाइ आवरायनाय
आरोबाव बिजिरख'नो हायै सानस्रि बिजिरनानै
मेँङै मेँङै मेंग्लिसिनना
आं दा उन्दुबाय अब्लाबो
-
सोदोबनि सोदोबफोरा हां मोनै
सौनायनिफ्राय सौसिनफैयो
खबामनि खबामफोरा जाबसिन फैयो
आरो सानस्रिनि सानस्रिफोरा साफ्रे फैयो
-
खबाम नागिरना मोनगोन मोना जायो
सहरनि बेब फेब मटरनि
गादां गुदां खारलांगासे ट्रेननि
आरोबाव खोमसिनिफ्राय खोमसिसिन हराव
राय चौदुरिनि बलियाम साप्रेनाय
-
बैफोरनि ओँथि नागिरनानै
बावगोमायो आं गोजां बोथोरखौ
आदै हालांनि लोहो लोहो
गं गुसुथि मावलायनाय मैसो हालिसे
खायेँ खुयेँ आर'ज गाबनाय
आयं नार्जारिनि सैमा मानैखौ
-
सिमांखौ आं जोबोद लुबैयो
थारैनो लुबैमारो?
सिमांखौ मोजां मोनमारोना?
नाथाय मानोथो उन्दुलांलिया फालाय?
-
मेलेम फाग्लायासो बिजिरो
ना खर' गुदुं एबा गुसुआसो?
बैफोरखौ बिजिर बिजिर हार्सिँङै
आं दा उन्दुबाय अब्लाबो।
This poem has not been translated into any other language yet.
I would like to translate this poem