समनि फोजानाय Poem by Ronjoy Brahma

खेबसे जैस्रिनि खबामा एवथु फैदोँमोन
बिनि उनाव अनजुनि सानस्रिया बिलिरदोँ
हुरागासे नन्देस्वरनि देँखो
उमेस सुबुं नबिन सोरबा सोरबानि
बायदि खबाम देँखो सानस्रिफोर
-
आला-खाला उखैनाय सोलेर
ओँखाम गैया उदैयाव
थेवबो-
खन्थाइगिरिनि मिजिँ गोनां खबाम
आंनि आदारमोन बोथिसे
-
खोमा खोमा रायदाव फैयो
गोरबोनिफ्राय गोरबोआव एब्रेयो
फोजायो बिसोर-
समनि लामाजोँ हान्थिनो
फोजा फोजा गोसोखौ सिमब्रेयो
-
जिउनि फैसालि गैयै मोकथां
उदां समायना-रमायना
लु-माला गोरबोनि इकेबाना
खन्थाइगिरिनि गोरबोसिं खन्थाइनि।