मोनजारोङैनि बेगेँ Poem by Ronjoy Brahma

बन्दरनि लांथिया गलाफोरनि
सेवब्रुं फिथा थरसेयानो
उदै हुब्लिरगासे बिसोरनि आदार
-
नोरजिया समाजनि लांथिया बिसोर
थोर थोर गोजां जायो
बिदिनो रानज्रिँ-खुज्रिँ सान्दुंआव लह्रायो
अब्लाबो समाजा बिसोरखौ
एरख' एरख' होहरो
-
बै गामि बै गामि
बायदि गाब गायो बिसोरो
जारिमिन गालांनोनो बिसोरनि आगान
नाथाय हाद्रि आरो हाब्रुआ बेसे गोबाव?
बिसोरखौ मानसिफ्रा होहरो
नोँ सोर? सोँनाय गैया
-
नोरजिया समाजनि थागिबि
ना जोनोमगिबि?
बिसोर फिन्नाय होनो हाया
गोहोथ' गैया जोगार जायो
-
बिसोरनि हारा बेगेँफोरा
बाथा बुनायबादि बुगार जायो
जोलुर बुलुरफोरबादि फिउआ फिउ
-
मोनजारोङैनि बेगेँ आय'
रेल सायथिँ नङाब्ला
आप-दाउन लामानि फेसेन्जारफोरजोँ
ख्रेब-ख्रुब होख्रेम जायो
दादु आवला सैमाया एरायखे एरायखे थाबायो।