लाइमोन जिउनि सिमांफोरा Poem by Ronjoy Brahma

दै दाहार महरनि
लाइमोन जिउनि सिमांफोरा
बारफैयो गोरबोआव
थब्ल' बिबारबादि फामे
-
जाखां फैयो गोमोर लाङो
गले गले
आंनि गोरबोनि थैसामा
-
गांसो खिलियो निहोरजोँ
सान्नायनि गुसु मिथिँगायाव
आं थाबायनाय लामाजोँ
बिबार बारनाय थमेन्नाय
आं नुहरो बारि
-
मिनि गेवलां बायदि रंगिना
जायख्लं जेरै दान्दिसेनि
जोमै बासा बोयो अख्रांआव
दाउखानि बिदैबादि महरनि
-
गोमोर लाङो सिरियै
गांगा थफा मोसायो
गोरबोनिफ्राय गोरबोआव थैसाम
लाइमोन जिउनि सिमांफोरा।