आंनि गाबरु अनजालिनो Poem by Ronjoy Brahma

दोलो दोलो दैज्लांनि
मोदोम गोरलै दुब्लिबादि
नोँनि खावलाय
अखाफोर गावदां जेरै
~
जेत आसारनि अखोरांबादि
दोमैलु दोमैलु मोखां
गाबहां गाबहां
फुर्णिमा अखाफोरआव जोमै फांथेनाय जेरै
~
गाबनायनि ना हाथासियाव गसरनाय?
नोँनि मेगननिफ्राय मोदै!
थरथिँ थरथिँ थरथिँ निहोर जेरै
~
उखुन्दै लुन लुन खुदोँ
फ्राव फ्राव अरखि बेरफ्रावदोँ
नोँनि बिखानि गुदुं हांजोँ
नोँनि खुगानि गुसु बारजोँ जेरै
~
थोर थोर मानिबा गिनायसोबादि
गुसु बिलिफां बिलिफां हरमोन
नुहां नुवाहां नोँनि मिनिनाय
नोँनि अर सुखांनाय
गोसो होना बन जरायै जरायै
~
सोमस्रि मनालिसाजोँ
आं मानो रुजुनो नोँखौलाय?
दासिम आं मनालिसानि
मिनिनायखौ बुजिया
मानो गोसो थोनो आंलाय?
~
फुंबिलि मोनाबिलिमोना
आसि थुयै थुयै
नोँनि खावलाय बिलिर बिलिर
आंनो खोन्थायो गोसोथोनो।