खाफाल खुथर खुथर
रानस्राव अन्थाइ रेजेदनाय सिलायाव
आरोबाव खौखाब सुङै सुङै
अर खामफ्रामनाय गोजाम खामफ्लायाव जसोनानै
-
दिखार नांगा नांगा गाबो नोँ
मोदैया रानगुलायबाय
गोजाम खावलायाव रेगा बोलायबाय
थाम्फै अरै अरै सिथर बेरलायबाय
-
मानि तपस्या आयै?
बिहुलानि ना उर्मिला जाम्बिनि?
आं गोमो हाबो
मनालिसा आरो नोँ
बेसेबांबा हर साननि फाराग
-
बोसोर बोसोर थांबाय
थांबाय थाबावगोन नामा बेबादियैनो?
नै बिमा-
दुखुखौ सुग्लाय होनो मोदै फसरनाय?
नाथाय मोदैबो गलिया रानलांबाय
(जानांगौ गोरबोजोँ दाबो बोहैदोँ)
-
दाउखा खाल फेसानि गाबनायखौ
बेसेबां खोनासंबावनो!
बिसोरखौ दा नोङो खेरखारायलिया
बिखा खामग्लिनाय रह्रायनाय बुथुवा
-
बुं आयै नोँहाखि मिजिँ गैलिया
गदाय फिसाफोरखौ लानानै
मानो आयै दिनैबो
बायला देरानि इनजुराव सोनारनानै
हर सान बारहो हरबावनो!
This poem has not been translated into any other language yet.
I would like to translate this poem