खुदियानि मेथाइ/ फेरेँगा Poem by Ronjoy Brahma

सिखारदो हनै साना ओँखारबाय
फेरेँगा दाउआ बुंदोँ
सिखारदो आंनि लोगोफोर
मोखां गन्थंआ गोख्रै सुस्रांदो
-
आबादारिया दुब्लियाव हाल होलांबाय
हासिब लाना आयआ सिला सिब्बाय
फेरेँगा दाउआ बुंदोँ
सिखार सिखार अलसिया दाजा
-
समा जाबाय एम नागारदो
फेरेँगा दाउआ बुंदोँ
घुपघुना सावदो सानखौ खुलुमहरदो
दे दे मोखां सुदो लेखा फरायदो
-
लामा गोजान थांनांगौ
फेरेँगा दाउआ बुंदोँ
सिखार जिउ लामायाव दावबायनांगौ
साना जौबा समा थोआ
-
सिखार गोख्रै लोगोफोर
फेरेँगा दाउआ बुंदोँ
गोख्रै थांखियाव आगान सुरदो
गोजौनिफ्राय गोजौसिन थिखिनियाव फैदो।