आं उन्दुबाय थायो
गोजां बोथोराव गोजां जायै जायै।
गोलोम बोथोराव गोलोम जायै जायै।
मानोना मोजां मोनो आं
गोजांनाय आरो गोलोमनायखौ।
ओजोँ दाउज्लाया गेसेरो
ओजोँ दाउस्रि हाजिया खायसो खालामो
सोरांबाय सोरांथारबाय होन्नानै।
हरै बुरलुंबुथुरनि बाज्रुमनाय
बयखौबो फोजावनायनि खबाम
प्रशान्थ लैथोमा मोखांजोँ।
दैमा-दैसानि फार फार
हिमालय गंगार हाजोनि सेरफां सेरफां
हासार नागिरो आं सिमांआव
हासार गोनां हादान नबथि फसंनो।
बुरलुंबुथुराव आं फोजावहरो गन्द्राय
थांगोन थखन बंफांनि दालाइ
बिसोर बेखौनो खनसायो
सोरां सुखाङो ओँखाम फोमोनो।
थिब्रे जायो अख्रांआव बिरबायो।
गले गले जावलियानि खारलुं दाराजोँ
दाबो खारफायो आं दाबो
अरन गेजेर गेजेर सिमां सुजुयो
''रजे: माब्ला फोजोबनो सिमांखौ? ''
This poem has not been translated into any other language yet.
I would like to translate this poem