लेलाय लेलाय बाब्राबनांदोँ
दैज्लांनि रिमोनद्ला गोलोमदैजोँ
खांख्रां खुग्लुब-
मेसेँनि गोरान मेगन मोदैजोँ
~
मोन्नैनि मोनसेखौनो गोनो गोथो
बबे मोनसेखौ-
अखाफोरनि सोरांआव सांग्रेमा हमनो
एबा बिजि खान्दायाव खुन्दुं सोनो?
~
खाराव माराव नागिरबायो आं
अखाफोरसिम गाखोनो सनानि जांख्ला
एबा सोर्गोसिम सहैनो लामा
~
दुखुआ बिखायाव गाराय जानाय
थांनाय आरो थैनायनि
आटलान्टिक लैथोसिम खारलांना
थालिर गायनो गोसो जायो आं
~
हब गन्थं हमथेनानै बार्लिनि खुगायाव
~
बेनिबो फैमाल बिदिन्थि
लेलाय लेलाय फोथांना लाखिदोँ गसाइआ
~
आं दिनैसो फोथायबाय
- मानसिया सानो गसाइआ होबथायो
एबा गसाइआ दायो मानसिया सिफायो!
~
थारैनो अमृतनि फिसा जानानै
आं अमृतखौ मोनजायाखिसै
हर आरो खोमसियावनो
गले गले जोनोम आंनि! !
This poem has not been translated into any other language yet.
I would like to translate this poem