खि हांखो सिनायै
उदैयाव अर लानानै
सानफ्रोम खाफाल खुनांनाय
गोरबोनिफ्राइ गोरबोआव
सोमजिनाय स्लगान
~
दाजाबनाय गैयै एबा
जिउआव खालि दानख'नाय
मिजिँनि फैसालि गैयै
गाबनि गाब गानानै
होस्रिख्रावनाय गुन्दै होग्रा गुन्दै जाग्रानि
~
बिसोरबो सानो-
उन्दुनो ओँखारै सनयासिफोरनि
मेसेबथाबनाय थबनाव
मुलुगाव जोनोम जाना
मुलुगखौ सिनायै खानाफोरनि
~
दिनै आं गोसोआव
सानाय नुनायाव
बोराबनायनि-
जिउआव आं सानो खेबसे
गोरबोनिफ्राइ नैबे गोरबोआव।
This poem has not been translated into any other language yet.
I would like to translate this poem