बिमानि फिसाय मानि गसाइ Poem by Ronjoy Brahma

दैज्लां आरो मेसेँनि सान्दुंआव
बिखुं लामगिरि
जोँनि गामिनि रांख्रेब हालुवाखौ
आं बुंथ'लिया
~
सख्रा खोथिया फेलेँगिमोना
आमलाय फिथाइ जायै जायै
अमा दुगैनाय बिलोनि दैखौबो
गोदै मोन्ना जु जु लोङो
~
साल सिदा आक्षि
देथिँ मारि मारि
अदालगुरिनि मैदेरा मेंग्लियो
हालाय हाफाय दै गरथसे नागिरबायो
~
बिमानि फिसाय-
आंखौ मानो जोनोम होनाय?
गोजांबाय आं गोजां बोथोराव
गोलोमबाय आं गोलोम बोथोराव
~
सान हर सोरां खोमसि
आखाय खबजबनानै
हान्थु खेराय खेराय
गोदै गोथाव फिथाइ सामथाइ होनानै
नोँखौ आं बेसेबां हांख्रायनो
थोबसे गोजोन बार हांनि थाखाय?