मोजां मोनो गोसो थोयो
नोँ आंनि जिउ जिउमानि
बेबादि होननानै
नोँखौ हमथानो हाथाराखै अं
-
दाउ मैना
अनजालि दाउ मैना-
नोँ जोनोम जोनोमनि
बेबादि होननानैबो
नोँखौ फानजारियाव जोबना दोनाखै आं
-
अनजालि-
नोँ उदां नोँनि खुसिजोँ
जेसे हागौ नोङो बिरलां
नाथाय नोङो मोजां जेरै
नोँखौनो मोजां मोनो आंबो
-
हाजोनि अन्थाइबादि
नोँनि गोरबोआव दुद्रुलांनो
हाजोनि दै दाहारखौबो
नेनानै थायाखै आं
-
नोँ फै फै होनोब्लानो
गोजाव लांगोन आं नोँनिसिम-
नोँनि खुसि आंनि हाबिलाजोँ
-
नोँखौ हास्थायाखै बे नङा
नोँखौनो हास्थायथारो आं
-
नोँ उदां
नोङो अरायबो उदां
रजे बेबादि होननानैबो
नोँखौ मोजां मोना बे नङा
-
गोसो मोदोम गोरबोजोँ
जिउ जिउमाजोँ-
नोँखौनो मोजां मोनो आं।
This poem has not been translated into any other language yet.
I would like to translate this poem