लुबैनायखौनो बिसोर लुबैयो Poem by Ronjoy Brahma

जोनोम जानायनि उननिफ्राय
जानो रोँनायनि उननिफ्रायनो
बिसोर जानायनि बाथ्राल' सानो
उदैयाव रोहो रोहो अर लानानै
-
बिसोर उदै सुफुंनायनिल'
जेब्लाबो सानो
-
समा दिनै बेसेबा दावखोबाय
दावखोयै दावखोयै
आंनि खर' थिखिनिसिम सफैलायबाय
-
बिसोर दाबो उदै बुङाखै
थेवबो समा थांगासिनो दं
थांगासिनो दं
-
रावखौबो नेथनायाव गैया
आं आं होन्नायबादिथार
-
रावनिबो गेजेन नङा समा
रावनिबो खोथा मानिया बेयो
मिथिगौना बिफंफोर?
-
लुबैनायखौनो बिसोरबादिया
दाबो लुबैयो
उखैनायनिफ्राय दाबो
उदां जानो हामाराखिसै बिसोर
-
दिनै दान्दिसे लुबैनायखौ
सदबनो हायैनि थाखायनो
बिसोर मेंग्लिब्लाबो मेंनो रोङै
थिफुद्लालाथार
-
खनले खनले गोग्लैबाय
बिसोर सिलायाव
सिलानि दैस्लुंआव गोग्लैबाय
उखैनाय आय' उखैनाय
-
उदां जानो
हामारथाराखिसै बिसोर