जारिमिना खिन्थानाय
बर' हारिया जोबोद लोरबां
जोँ बुंनायबादिब्ला
चिन-तिब्बेतनि सोरा
-
जायफोर
बड हादोदनिफ्राय फैनाय
बड>फिसा>बर'फिसा>बर'सा
-
कुरुकेत्रनि मिसाइलजोँ
द्लाम थैलांबाय
खावसे फाण्डबजोँ
खावसे खौरबजोँ
-
खायसे अफ्रियाव गोदोलांबाय
खायसे
हादानाव मोसाजोँ अरथार जाबाय
-
बेँबुरा जाना थाबाय
खायसे ओरैनो गोमालांबाय
सेंग्रानि सिख्लानि-
-
दिनैबो खावसे बिजेपि
खावसे कंग्रेस
खायसे ओरैनो लेथेर फिथेर
-
बाङाइ अनजिमानि
बर'आ बर'ल'खासै
मालायखौ जेसेबां आंगो साना
-
बिजेपि आरो कंग्रेस
बिसोरलाय सोर?
-
बिजेपि कंग्रेस जानो हायोब्ला
जोँबो बर' जानो हाया नामा?
फै आयफोर आफाफोर-
This poem has not been translated into any other language yet.
I would like to translate this poem