लोगोफोरनो Poem by Ronjoy Brahma

गावनि गोजोनखौनो नागारनानै
दावहा मोखाङारि लामायाव
गोसो गोरबो लानानै
गोजोनखौ जुगामि गायसननो
-
दावहा फोथाराव
सिला मेगननि रोन होनो
बिसोर नेनानै दं आंखौबो
दाब्रायबो गरायखौ होननानै
-
आंहा मिजिँ दं
गोदानै गायसननो मुलुगखौ
जाख्रिसे बारहुंखाजोँ
आबुं मोन्थाइजोँ अराय
-
नोँसोरनि मेलेमजोँ
बोहैगोन दैसा
ओरैबादि गोगो
गेन्दा जानो रोङै जुगामि
-
दिनै बुखुनायनि सम
गोखै फिथाइनि
गोखै बिफां रोदाफोरखौ
गोदानै गायसनगोन मुलुग
-
रोजाबगोन मेथाइ
थांनानै थानायनि थाखाय
खाम सिमां सेर्जा
जथा थर्खा दामनानै