जायनि मेलेमजोँ
मुलुगा गोदानै जोनोम जायो
जायनि गोरबोजोँ
दुलाराइ गोरबोआ सिरि मोनो
-
जाम्बाथिखौ नुनानै
जाय जायफोर फोरोङो
गादब जानाय दांसाफोरखौ
जायफोर जांख्रिखांनो फोरोङो
-
समाज आरो हारिखौ
जायफोर फोसाबो
गंसे हादोदजोँ
गंसे मुलुगाव सिनायथिनो
-
दुखुआव दुखु जाफाग्रा
एबा जाय दुखुखौ फोजोबो
अदेबानि-
जायफोर थांनानै थानो फोरोङो
-
मोजांखौ सिनायनो
दावगालांनो
सिमां नुनो जाय फोरोङो
-
गंसे जिलिदबादि
दै दाहारबादि
खोमसिनिफ्राय बाररननो
थुलुंगा होयो जायफोर
-
अनसायनो
मोजां मोननो
सिबिनो जायफोर फोरोङो
बिसोरनि सिबियारि आं
This poem has not been translated into any other language yet.
I would like to translate this poem