सासे बिमानि दाहा Poem by Ronjoy Brahma

''आंनि फिसाया
जोनोमनि सिगां थैदोँ
नाथाय गुबुनफोरनिया
थैनायनि उनावबो थांनानै दं''
-
दिखार गोनां बाथ्रा
बे समनिफ्रायनो
बे बिमाया बिमा नंलिया
जोनोमनि सिगांनो
बे बिमानि साबा फिसा थैदोँ
-
मानसिखौ सोँखारिबाय
इसोरखौबो सोँखारिबाय
खाफालखौ दुसिबाय
जेबो फिन्नाय गैया
-
जोनोमखौ मुगैबाय
थैनायखौबो मुगैबाय
नाथाय बियो दिनै थैगोन
रावनिबो सायाव खिथेर होखारलिया
-
गावनि बिमा गोरबोनि
साबा गोथै फिसाखौ
बियो दिनै गोबाहैगोन
आलो गोजोन अनहैगोन