मोनसे हाखरावनो
जोँ सानैजोँ फबजालायगोनब्लाबो आरो-
मोनसे हाखर सेरनिफ्रायनो-
गोबां बिफांआ एवस्रां जागोन
-
दिनै बेखौसो गिदोँ आं
अनजालिजोँ आंजोँ थाबायग्रा लामायाबो-
जानो हागौ लामायानो जाबायदां
बुंनो थाङोब्ला हाद्रि गोरानसै
-
थगायलायनायखौथ' बुंजालिया
आंबो थगायो अनजालियाबो थगायो
बेयावनो रागाजोँलायनाय जाबाय
गोरबो गिसिखाबाय बिखा गालांबाय
-
बुजिबाय आं बेखायनो
जोँनि गोसोजोँ गोसो गोरोबलायनाया-
फाग्लादियानि सल'बायदि गोसोथोलायनाय
हरै आरो ओरै खुरखागासिनो
-
आरो लैहोर लैहोर बारसोम फैदोँ
जोँ गोजावग्रा दैमायाव
बिसोरबो गोजाव फादोँ जोँबादिनो
गगा मोनदोँ बुसोम जादोँ
This poem has not been translated into any other language yet.
I would like to translate this poem