मानसिनि खर' खर' थायो आं
मानसिनि गोसोआव-
गांलाब गांलाब बेसेबा खुसि आं
ज्राव ज्राव मिथियो-
-
आंनि थाखाय बिल्दीँ द'थाला
आंनि थाखायनो हाखर-हाला
बयबो सिमां नुयो आंखौ
गोलोमदै फसरना बोजबो आंखौ
-
आंनि थाखायनो कुटुब मिनार
आंनि थाखायनो लाल-कि-लाल ताजमहल ग्रेटवाल
आंनि थाखायनो जन्टर मन्टर क्रृष्ट रिडिमार
आंनि थाखायनो निउयर्क बिजिँ-
हारि आरो हादोदनि मिल गरमिल
-
आंनि थाखायनो अख्रांनि लामा
आंनि थाखायनो लैथोनि रुंमा
आंनि थाखायनो थैनाय आरो थांनाय
आंनि थाखायनो थगायनाय बाखोनाय जानाय
-
आं फैसा, बयनिबो खर'सा
मानसिनि मेलेमाव थायो आं
मानसिनि आखायाव थायो आं
आंनि थाखायनो सोरबा दाउसा सोरबा मोसा
This poem has not been translated into any other language yet.
I would like to translate this poem