दावगा आरो फोथां Poem by Ronjoy Brahma

दावगा आरो फोथां

Rating: 5.0

इयां सिकियां हवां-ह' सेरफांआव
जोनोम मोन्नाय बर' हारिमु,
सोदोमस्रि गोनां हारिया उन जाबाय।
दाबो नुयो मायबां कासार डिमाफुराव एग्रे-बाग्रे
गोग्लैसोनानै थानाय गोजौ सोदोमस्रिनि नेर्सोन।
दिनै गावनि हारिमु आरो सोदोमस्रिखौ
फोथांनानै लाखिनो नांगोन,
गोगो समाज गियान सोलोँथाइ सांग्रांथिजोँ
खौसेथि जादिनि खाम जथानि देँखोआव।
हे बर'फोर जांख्रिखांदो
फुंनि अलंबारा मिनिस्लु हरदोँ हनै
दाउस्रि गोबा अख्रांआव गेलेफैदोँसै।
अखाफोरनि सिमां नुदो
प्रसान्थ लैथोमा सानस्रिनो।
दावगा आरो फोथां
ब्ला ब्ला बनजार लानानै आखायाव।
आन्दायनाय हारिया मेगन गेवगोन
हारि हादोदनि थाखाय थांना थानो सोलोँगोन।
जायै लोङै थद दाखोमासै
रां खाङै खाङै
रां दाबि दाबि
सोमावसारनायखौ आखायाव दालासै।
जांख्रिखांदो गियानजोँ खौसेथिजोँ।

Friday, April 1, 2016
Topic(s) of this poem: freedom,happy
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success