उखैनाय दं अरनाव Poem by Ronjoy Brahma

सिफ्लेजानाय गलाब बिबारनि फाइलिफोरा
नखोरां सानिफ्राइ गोग्लैबोयो
बोलो गोरा मैदेरफोरा हा जोनानै गोमसार होयो
आरो मैदेरनिनो जेन मेथाइ खननानै मोनसे रंजानाय
फोथार बेयो जेननाय आरो देरहानायनि

मोनजानाय मोनलोंनायनि बाथ्रा
जोबनो गैया
गांनाय उखैनायनि बाथ्रा बुङाब्लाबो जासिगोन

उखैनाय दं अरनाव
मुलुगखौनो सोलास्लिबनानै
हांगार खालामनायनि हाबिला दं बिहा
लुबैनाय दं दैमानावबो
गासैखौबो लोमसावनानै फोजावलांनो गावनि आंगो खालामनानै

दावहा फोथारनि उखुन्दै सिङाव आनदायनानै दं आङो
रावखौबो नुहराखै हाथिरनि मोदाननाय
गोथै सहनि सोलाय

रजे! दिनै नोंनिफ्राइ आं मा लुबैयो
आंनि हालोदखौ नायनानै नों मिथिगौथ'?
मिथिगौबा दे बुं