Ronjoy Brahma

Gold Star - 26,903 Points (2 November 1994- / Amteka (Chirang) /Assam, India)

जोनोमा रमारि - Poem by Ronjoy Brahma

गुदु अरन जाहारमोन सानसे
ओरैनो दंखायो बर'हा-
गायसनबाय गोदान रमारि मुंनि
आमटेकानि सिङाव गामि गंसे ।
आय'-
दुखु खस्ट
गाबनाय मिनिनाय
हाल खदालजोँ जाबोबाय संसार
बोसोरनि उनाव बोसोर
गामिनि रायजो रायजाफ्रा
दुखु खस्ट थेवबो खुसि
जोनोम जाबाय सानसे
आंनि
आबादारि लहेन सुमिथ्रानि
गोरबोआव ।
नुबाय आं थै मोनसेनि
जारौ मारौ सानै बिब'
मुङा सनजिमा रनजिमा
आरोबाव
नुबाय आं जोनोम रमारि
आय' बोदोर फाखनाव
रंजानाय खुसि
आय आफाया ।
गामिया जालांबाय समायना
फैयो नायनो बयबो देलायै
आय' उजिबाय आथुमसे फरायसा
रमारिया गुस्लायबाय
सानसे समाव जोनोम
फंबाय प्रेमानि मिनिस्लु ।
आय' आं गाबखांदोँ दिनै
खोमसि हराव इनाय बानाय
सोँनाय गैयै गावथार जानाय
गामिनि गोरा जाथि मुंनि
आदैखौ
जाय बिथाङा गामिखौ
समाय होदोँ
जाय आदैया गामिखौ
फोसावदोँ ।
गैया दिनैबो मोनाखै आं
आदैनि थैनाय फोजोबस्रांनाय
जाया गोमालांबाय
बोदोर आं मोननो
फिन्नाय ।
दिनै आं हास्थायदोँ
जांख्रिखाङै गोजोन
जाय उजिदोँ फरायसा
जाय सिनायदोँ हांखो
बिथांमोनखौ लानानै
जाय गामियाव जोनोम
समाय होनो बेखौ
सिनायथि होनो गोगो
गोदान गोथार
सानस्रि गोरबोआव
सोमजि होनो ।

Topic(s) of this poem: Poem


Comments about जोनोमा रमारि by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Friday, July 11, 2014

Poem Edited: Friday, July 11, 2014


[Report Error]