दिनैबो गंसे आलादा
रायजो गैया बर'हा
लिरनायल' दं गंसे
'बर'लेण्ड' होननाय
लामानि बिँफां मोदोमाव
सोरनिबा सनानि इनजुराव ।
गोजा, गुफुर, गोथां बायदि गाबजोँ
सिनाय जायै बर' हारिनि अनगायै
गैया रावबो बे मुलुगाव ।
खोनायो दाबो दंमोन बर' रायजो सानसे
सेरखाय- बेरखाय फारा- फारि
गारसारदोँ गावनि न' बांखौ नागारना
राव हारिमुखौ लासाबनानै
फेरलेबसे गावनि जिउखौ फोथांनो ।
जायफ्रा दिनै थाथेर गैयै
खारदोँ आरो खारदोँ मेँनाय गैयै
जानो थाखाय थांना थानो मिजिङै ।
गुबुनाव दिनैबो जोँनो मासि होआ
बान्दा-बान्दि जोँ बैनांगौ
सि: सि: सि: !
जोँहा गोजोनानो गैया,
बिबाय मागिबाय जानो
सम जोँहा गैलिया
जुगा जोँखौ थिनलिया ।
This poem has not been translated into any other language yet.
I would like to translate this poem