बोथोरनि लुन लुन
खुनाय उखुन्दै
जावरिनाय जोमै दाखा
ग्रुम ग्रुम गिख्रंथाव सोदोब
आरोबाव बोहैनाय
जोँनि सिलायाव
गोजा थैनि सेरेफ,
हाबावगोनना जोहोलाव?
बाना जानाय सिलायाव
जना थानो
थयला खामफ्लायाव ।
दैस्लुं थानाय थैनि
लाथा खाना खारग्लुंनाय
सिलायाव
हाबावगोनना गन्थं हमथेना
आलो आलो थानो
थोलौ थोफौ बार मोदाय
नांनाय
गिजि गेग्रेब देरायाव ।
बोथोरा थाङो आरो फैयो
नांगोल जांख्रा दैज्लांआव
आबादारिनि
नाथाय-
दिनैनि खुवा खुनाय सोरां
फुर्णिमा हराव
जांख्रा
होसो होसो सारफावनाय
गुलिनि ।
बर' असे बर'नि सिलायाव
मिजिँ थांखि लाना थानाय
असे बर'सानि आगोमा
जिउ
गोमा लांदोँ सुथुरनि
गुलियाव
बोहैदोँ बर'सानि थै
लाथा लाथा जोँनि
सिलायाव ।
This poem has not been translated into any other language yet.
I would like to translate this poem