आयफोर आफाफोर Poem by Ronjoy Brahma

दालालै दाला आयफोर-आफाफोर
गोदोसोनाय लेट्रा होनजानाय
हारिमु
मोनामबानो गुबुना खुगा माथुयो
नोँसोर नागिरो बबाव
मोदोमदोँ (?)
एंगारदो एंगारदो आयफोर-आफाफोर
नांलिया जोँनो दावराव दावसि
बायलांनोसै नङाब्ला
आयफोर-आफाफोर
ग्रोन ग्रोन सिलानि सियार
खामफ्लाय ।
दालालै दाला आयफोर-आफाफोर
अख्रां नायदावनो हायै
जुमाइ संसारखौ ।
नांलियालै
नांलिया
आबै-आबौमोन
गोसोम उखुन्दै हगारनो
इयुनखौ नायहरदो-
रानलांनोसै
आयफोर-आफाफोर
नङाब्ला
नोँनिनो हासार होयै
दै सास्रिनाय..
गायनाय ख'फि मुला
बारिनि मैगंआ ।
अखा नायब्लाथाय
हाथाइ-गलायाव
नङा
आयफोर-आफाफोर
फुंनि सानजौफुनि
समा बारलांनोसै..
ओंखाम खबसे फिसानो
सिलर गंसे फिसानो..
नांलियालै दावहा होनो
अरनाव मै अमाजोँ
थिसनदो
आयफोर-आफाफोर
गोगो सोलोँथाइनि फोथाराव
देरहासाद जोहोलाव
इयुनि मिजिँजोँ ।