गोसो खांनो हालिया आं
गैयाबो आयनि दाइरि जिउनि
फारि फारि गासैबो...
आंनि जिख्लाबसे दाइरियाव दं
आयआ आंखौ बेसेबां अनबोखो
जेब्लानिफ्राइ आं कलम दैयो
बेबो जागायदोँ 2007
मायथाइनिफ्रायसो
आंहा गोसोआव गैया
माब्ला आंखौ आयआ
खावलायआव....
गैया सावगारि आयनि
गिजि देरानि इन्जुराव आलायनाय
समनि बै आंदि आयनि
बिखुं आरो बिखायावमोन ।
दिनै आं फारि फारि
जिख्लाबसे आंनि दाइरियाव नुदोँ
आयआ दा अनसुलि आंनि
जानाय समाव आयआ आंनो-
दुगैनाय समाव आय आंखौ-
गेलेनाय समाव आयआ आंजोँ-
फरायनाय समाव आयआ आंखौ-
दं आंनि दाइरियाव रोखा रोखा गेबेँङै
नाथाय
रुजुथावै दिनै
गासिबो सिनायनो हाथावै
आखरजोँ लिरनायसो
गावखौनो आं दाउ एरजानाय
सिलायाव गेलेनाय बायदि ।
थेवबो आंनि दलिल
नुबाय आं आयखौ
नंगुबै महरै सावगारि
आयआ दा अनसुलि ।
This poem has not been translated into any other language yet.
I would like to translate this poem