आयै, आं ओँखाम उखैबाय
मोन्दोँना मोनाखै जाखो
आलु रुनाया?
दा गु बाजिबाय आयै
फरायसालिनि घन्टा गाबबाय
गोख्रै आयै, माबार ओँखामा खुर
फोरोँगिरिया जोबोद अख्रा
माबार सौहैयाबा
बुजा थारगोन ।
मोनबाय फिसा, गासैबो थियारि
देलायै साजायै माबार जाफै
थांनाय सिगां बाथ्रा खोनासं-
मोजाङै सोलोँ फिसा,
थख' थख' मोजांङै लिर
गोसो होना फराखौ फराय
फोरोँगिरिया नोँखौ अनगोन
जुदिय नोङो अनजानाय जायो ।
जागोन आयै,
आं मानसि जागोन
गान्घी बादि
नेहुरु आदै बादि
आरो
बर'नि बिफा उपेन बायदि
आं जागोन ।
थांदो फिसा....
मोजाङै थां
मोजांजोँ लोगो जा
गाज्रियाव दाथां, गाज्रि दामाव
आरो खोनासं फिसा-
गोसोआव लादे
गोसोआव लाथार
हंखा दासोब
बुलायनो नाङा
नांलायनो नाङा
थांदो दे! फिसा...
गु बाजिबाय, समा जाबाय ।
This poem has not been translated into any other language yet.
I would like to translate this poem