Ronjoy Brahma

Gold Star - 25,025 Points (2 November 1994- / Amteka (Chirang) /Assam, India)

साना हाबबाय - Poem by Ronjoy Brahma

समा जाबाय फिसा
साना हाबबाय
आरोबाव गैलिया जोँमा साना
फैदो न'आव गेलेनो सम गैलिया ।
आयथिँ आखाया माबार सुदो
सौराय एवनाय एसे दं
माबार माबार बेखौनो जादो ।
समा जाबाय फिसा
साना हाबबाय
मालाय हनै हार्थखिफ्रा
नायहर हनै अखोरांआव
समायना-रमायना गावखौ
मिनिस्लु मिनिस्लु साजायदोँसै ।
गोख्रै फिसा गोख्रै
बिजाबा लाबो सिलायाव
बना दोनखाबाय आं बष्टाखौ
सागाथियाव गंसे सोरां होनो लेम्प ।
मालाय निस्टनि, सिबिलि, हिनालि
आरो गौतम, स्टेटन, दानिलमोना
कारेन सावै सावै टेबिलाव फरायदोँ ।
जोँहा गैया फिसा
बिसोरनि बायदि
जुजिनांगोन फिसा थेवबो
हारिनि मानखौ लाखिनांगोन ।
थपेन ब्रह्मआबो सानसे लावखार
महरनि गथ'मोन फिसा
नाथाय गियाननि गोथौ सानस्रिनिमोन ।
फराय फिसा
मोजाङै सालोँ
उपेन बायदि नोँबो जागोन
अखोरांनि हार्थखिया
मिनिदेरगोन सानसे नोँजोँ ।
समा जाबाय फिसा
साना हाबबाय
आरोबाव गैलिया जोँमा साना
फैदो न'आव गेलेनो सम गैलिया ।

Topic(s) of this poem: Poem


Comments about साना हाबबाय by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Tuesday, July 29, 2014

Poem Edited: Tuesday, July 29, 2014


[Hata Bildir]