बेनो नामा जिउ Poem by Ronjoy Brahma

आय' मादि माया इसोरनि
सिमां-मोकथां
गोमोरदोँ आरो जोँखांफिनदोँ ।
फुंनि समाव बारग्लांदोँ
गेवलाङै बिबारा
सानसुथिर समाव
लरहायदोँ गेवलांनाय बिबारा
आरो
सान हाबनायजोँ लोगोसे
सिरिलांदोँ
गेवलांनाय बिबारा ।
दंमोन आं एमाव गोलांनानै,
हरखाब आबौआ गोमालांबाय;
अब्ला हुगारदोँ आय
आरो गोबांआ
मेगननि मोदै ।
बुजिस'आ बिनि माया,
सानस' हाया गोहो बिनि ।
हरखाबै गोदानै जोनोम
बाजैनि गोरबोआव;
अब्ला खुसिजोँ बुंफबबाय
आय आरो
बाजैनि जिउआव ।
बेनो नामा जिउ?
बायदि मैया गाबनाय
मिनिनाय ।
दिनै थैदोँ
गाबोन फिन गोदान
जोनोम जादोँ,
आय' बेनो नामा जिउ;
हरनाय सोरजिगिरिनि
दान ।