सोर सोरजिनाय गोमोथाव
सावगारि बेलाइ.?
मा सान्नि उनाव हर
खोमसि हरनि उनाव सोरां ।
सोर दानायनि एसेग्राब
गुवार बुहुम,
मिथिस'वा नुहरस'वा
रिउ..रिउ.. नो
सोर खालामनायनि फुं बेलासि?
सोरनि गोमोथाव जादु जाखो बिलाइ! ?
एखनब्ला गोसा सान्दुं
एखनब्ला अखा दोमैलु जोमै ।
मा गोमोथाव माया महिमा
जाखो बेलाय?
मानसिफ्रा बुंसो लायो
सोरजिगिरि अबंलावरियानो
सोरजिदोँलै बे बुहुमखौ ।
गासै सान हर,
सोरांनि उनाव खोमसि
बिनिनो माया महिमा,
सोरजिगिरिनिनो माया
जादु गेलेनाय
बे गोमोथाव सावगारियाबो ।
अब्ला..,
सोरजिगिरिया सोर जाखो?
बेलाइ बबावथो थायो?
सुबुंफ्रा बुंसो लायो, ...
सोरजिगिरिया बोराइ बाथौआनोलै ।
सोरबा सोरबाया बुंसो गारो..,
सोरजिगिरिखौ जोँ जोँनि
मेगनजोँ नुनो मोनालै,
बेयो बयनियावबो
गोसो आरो सोलेरावसो थायो
सिबिनो रोङोब्ला
गोसो गोरबोजोँनो
नुनो मोनो
सोरजिगिरिखौ ।
This poem has not been translated into any other language yet.
I would like to translate this poem