हंख्रद हंख्रद उन्दुनाय
सर' आंहा गैया
खालिबोल' गोसोआ आंनि जोमै
गुरुम गुरुम अखा खोरोमनाय
सिमांखौबो नुदोँ बेसेबा
खोमसियाव
गोसोआ देहाखौ मेँग्लिहोयो
बेनिनो दं आं ओलैस्रो एमआव ।
समा 4: 35 बाग्लायबायमोन
अब्लासो सिरि मोन्दोँ आं
गुब्रुना गाननायखौ
आरो
एमनि सुरिफोरखौ फाहामो
माब्लाबानो खोरखि गब्लंजोँ
मेगनाव आंनि गुमब्लाउ
साननि जोँमाया नांफैयो,
सान ओँखारनायनि रादाबखौ
उन्दै दाउसिनफोरा होफैयो ।
खाथेनाय मेगननि मैखिखौ
आरो खावलाबसे मोखांखौ सुस्राङो,
सानजा फैसालिनि जोँमा साना
मिथिस्लाबै माब्लाबानो गुरगां ।
भाराखिया दिदि बेँगलिया
खुगा बोलो फोराना
गुरगिया हंखाखौ रिँहोयो
मोखां फिदिँना नायो आं ।
जानाय-लोँनाय आरो
देलायनाय-साजायनाय जाबाय
समा बाजिबायमोन
9: 20 रिँगा
हाखु-दाखु आं
आइथिँ जोफ्लाव जोफ्लाव
कलेजाव थाङो-
आयदानि फोरोँथाया मोजाङानो
गोसोआवबो आंनि रोखा
दाबो दंथारो हमथा जाना ।
बाथ्राया गोसोखौ उसु-खुथु
लोगोआ आंनि सेराव
मिथिया जादोँ
गावनो गुस्थि गोरान
मा बुंफ्लांदोँ सोरखौबा
ना सोँनाय आंनाव
नांगौ फिन्नाय गावनो?
समा 2: 15 बाग्लायबाय
लजिँनि देरा आंनि
बाराय बाराय आगान
सफैफिनबाय आं दा ।
जेबो गैला आरोबाव?
सानसेनि दाइरियाव थिसन्नो-
दंबावो आरोबाव
नाथाय बियो
दा नङा ।
This poem has not been translated into any other language yet.
I would like to translate this poem