जोँथि फैदोँमोन आंनि
खोमसि अखोरांआव
थरसे गोजोँ हार्थखि,
जायनि जोँथिया आंनि नोजोराव
सानबायदि सोरां ।
नुजाथिदोँमोन मिनि खैरोयै
निजोम अमाबस्या हराव;
बुंथिदोँमोन सिरियै मानिबा रादाब
फंनैसो बिबुंथि
गोदै गोरबो सिँखावनाय
मिलौदो गारांजोँ ।
अब्ला आं खोनासङै
गंस्रिना थायो
बिनि मिनिखैरोनाय माब्लादि
गोमोर लांखो
मिथिस्लाबा जासे खोमसि
नाथाय बुजियाखिसै आं
नोँनि गोदै रावनि रहयस्य ।
थेवबो बियनाव आं गोमोदोँ
सांग्रेमानि सोरांआवबो
आं आन्दायदोँ,
खोमसिखौ सोरां होनो
खथानि सोरांआवबो आं
सौग्रावदोँ ।
This poem has not been translated into any other language yet.
I would like to translate this poem