बुंगौ बुंगौ सोँनायनि फिनखौ
फोरमायगौ फोरमायगौ गोसोनि साननायखौ
गोसोआ ज'सोनानैनो दं
फिन्नो हाया
हाया मरा जानाय,
बाहादुरि बबाजोँ नाख्रेबजानाय
आरो अलसिया सोरबाजोँ बोखथा जानाय ।
गोसोआ ज'सोनानैनो दं
गोसोनि साननाय
गोरबोनि फिन्नाय
मेगन गोसा दांलु आखायजोँ
सिख्रब सिख्रब हमथानानै
आरो बुंगौ बुंगौ
नै बुंथारनोसै खुगाखौ माथुनानै
अलसियानि खौखाब सुंथानानै ।
फिन्नाया गोरोबथारदोँ गेदेमानिजोँ
गोरबोनि साननायाबो
जुदा नङा गोथार दैदेनगिरिनिजोँ
गोसोआ नाथाय ज'सोनानैनो दं ।
होखारगोन होखारनो नाजागोन
नांथारा बराया बे आखुखौ
सोरनि मैला नांनाय जाखो?
आंनो मिथि हाथारा;
गोसोआ बुंगौ बुंगौ
गोरबोजोँ फोरमायगौ फोरमायगौ
गोसोआ ज'सोनानैनो दं ।
This poem has not been translated into any other language yet.
I would like to translate this poem