गोसोआ दाबो आंहा नोँनि
गोरबोआ दिनै नोँजोँ,
नुजाफैयाखिसै नोँ
आंनि लांगोनायाव ।
दागार नोँ सना आंनि
दाबोरसे थफ्ला अननायखौ
रुजुन दागारहै सना
सिमा गैयै आंनि गोरबोजोँ
अननायखौ नंखाय साननानै ।
फेलेँनि आन्दोजोँ नङा
दुखुनि लैथोआव नङा
आंखौ साजाय सना नोँ
जिउनि सासे होननानै
आंखौ अनसाय सना
उजिनि खेबसे जागोन
आंगोनि साननानै ।
This poem has not been translated into any other language yet.
I would like to translate this poem