आंनि सिफियाव थुम थुम
लरग जालायनाय अजन होजानानै
औ नंगौ होन्नानै
बुंनो हालिया आं दायो
.
फाप जायो खोथा होनानै
खोथा दानोब्ला
गुन्दै जानानै
गुन्दै होग्राखौ फोलाब्ला
.
आदारबो होयो नावद्राबो दामो
इस! एसेल' बदनाम बाथ्रा?
फोथायखेबस' नङा आं
थगायसुला नङा आं
.
बेखायनो आंनि माथाखौ देख्रुब
आंनि आथिँ-आखाय बुख्रुब
बिखायाव आयलोँ मोसाफै
बुंनो हालिया आं दायो
.
सोर गुदुंनि जारौ मिनिस्लुनाय
बिलिरहां खुदुमहां मोदोमाव
मेव मेव मोनथारबाय आं
जमा ग्लाब ग्लाब मिनिदोँ बहाबा
.
(थेवबो) आं खिन्थाया सार
साहाबा आखान्थिखौ फेरनै गावदोँ
आखान्थिया बाब्राब बाब्राब थैदोँ
आं खिन्थाया सार
.
इस! आं मानो बुंफ्लांखो?
सिखावनि सालाया खान्दामार!
This poem has not been translated into any other language yet.
I would like to translate this poem