आयआ मुलुग आंनि Poem by Ronjoy Brahma

आय मुलुग आय मुलुग
नोँ सासेल' जेरैबो बेँदिँनाय
आंखौ होबाय जोनोम ।
समायना बिबारनि मोदोमनाय
सारिगिदिँ बिफां- लाइफां
लारि थिया हाजो- हाला
दैमा- लैथो
मि-जिबि-सुबुं
लोगो लाबाय आंजोँ
गासै आयै नोँनि
सानबाय आं आंगो गोरबोआव
सोमोन्दो नागार जायै
बिदा -फंबाय
बिदा- बिनानाव
बिब' फंबाय आरो... ।
आय मुलुग आय मुलुग
नोँ जेरैबो देलायनाय गहेना
हार्थखि, अलंबार जोँमा गावदां
बे समायसार होयो आयै नोँखौ ।
आय मुलुग आय मुलुग
नोँनि बिखायाव एब्रेयो सोरबा
गुबुंले जायो सोलेरा
मोदै फसरना बोहैयो गोजोँ
अ' आयै आंनि मुलुग
होबथानो नाजायो गोरबोआ
फेरले फेरले गावफ्लेनाय मुलुगखौ
रैखागिरि आं
अनफावरि नागिरो आं ।