खालिबोल' हाथासि Poem by Ronjoy Brahma

गोरबोआव मानोबा दाबो हाथासि
माबा मोनैनि दाहाया गाग्लोबनाय,
मेँहाबनाय सोलेराव आरोबाव
गोरबो सानस्रिया एवथुयो
जुजिनो फोजायो देरहानायनि ।
मोन्दांथि आरो सानस्रिनि लोगोआव
रावबो गैया लोगोआव
खालिबोल' आंनि खाथियाव
गंसे रेबगन आरो
दंबोला दा आगदा आखाय ।
हान्थियो हाथासि लामायाव आं
सिरि सिरि, सिरि सिरि
लोगोसे रेबगन आरो
आगदा आखाय आंनि।
सानस्रिया गाग्लोबो
गोरबोआ बुरखाय हाया,
दं खालि रेबगन गंसे ।
जेसेबां नाजायो बुरखायनो
आरोबाव खालामो हाथासि ।
मोनफुंनाय गैया अरायनि
खालिबोल' दान्दिसे रंजानाय
आरोबाव गाग्लोबो हाथासि
जाफुंनाय जाफुंङै मिजिँ नागिरनाय ।