परम ब्रह्मखौ (आर'ज मेथाइ) Poem by Ronjoy Brahma

जोनोम मोननाय जोँ
सोरजिगिरिनि
मुलुक संसाराव;
आय आफा सिबियारि
ब्रह्म भक्ट;
जोनोम मोननाय जोँ
परम ब्रह्मनि
साननो हनो बुजिनि
गोरोँ जिबि।।
फै आय आफामोन
नोँसोर
यज्ञ' सालियाव;
फै आय आफामोन
नोँसोर
ब्रह्मनि सेराव;
गोदै गोथाव मिलौनाय
अर जोँमायाव;
गोदै गोथाव मोदोमनाय
अर जोँमायाव;
फै आय आफामोन
हम सावनि;
फै आय आफामोन
यज्ञ' होनि;
आन्थोर जयै मख'नि
ॐ कार रिँसारनाय;
गले गले आर'ज गाबनि
परम ब्रह्मखौ;
गावजोँगाव हिंसा हिँसि;
गावजोँ गाव नांज्ला खमज्लाय;
घोरोमजोँ घोरोम मुगैलायनाय; -
गैया जाथोँ गोजोन हरदो; ।।