मोफ्लामनाय जोमैयाबो Poem by Ronjoy Brahma

बिखा खायसिब मेगनाव
आन्दाय होयो नंखाय सानजावलिखौ
आरोबाव
गोखा हरनि मिजिँखौ सिफायना
उल्टा लामा दिन्थियो
मानबाययै मानबायै जेब्ला
सोर्गोनि मारुंखौ आं मोनफैयो
अब्ला मिथियो जिउमाया
थुलुंगा नंखायखौ सायनो समनि
मोफ्लामनाय जोमैयाबो।
गादबजानाय आदुवा सानजावलिजोँ
गोदान जुजिनो मिजिँ
गोसोम गोसो मोखां लानानै
नंखाय फोरमान होनो आगानाव
लाजियो फ्लाम मोफ्लामनायजोँ
नुयो गोरान गावनो गावनि
आखिनाय जोमैनि हेब्रे माब्रे सावगारियाव
फै अनसायो आं बेवनो
नोँनि सोदोब देँखोखौबो।