सिमानि गेजेराव सिमा गैयै नोँ-
बिरलांदोँ जोमै साजोँ-
आंनि मेगनजोँ नोँनि सायखंआ आनज्रायलाङो-
इसेबांदि गोदै रैसुमै नोँनि राव,
बेसे गोजोननायजोँ-
बेसे मोदोमनायजोँ-
बेसे खबामजोँ-।
बेसे मेथाइजोँ-।
महरगोसा नोँनि महरनि गेलेनायजोँ-
सिरि मोनो गोर्बोफुरि,
सिमानि गेजेराव सिमा गैयै-
नोँनि गाराङा बेसेदि रैसुमै।
नोँजोँ आंजोँ गोरोबलायोबोला
आरोबावथ' गोजोन निजोरा
बोहैगोन सुदेम।
नोँनि समायनाया मोदानो गोर्बोआव;
नोँनि हायनाया बोयो मुहियो जिउआव;
जायो आंनि गोर्बोनि जायख्लंआव बोरि।
जायो आंनि मेगननि दैआव समायना बोरनाय।
This poem has not been translated into any other language yet.
I would like to translate this poem