आंनि थैफ्रामनाय जिउ Poem by Ronjoy Brahma

जाम्बानि सोदोब बिहुंआव
बेसेबा मस्रायना लाजानानै,
थैबायमोन आं
मुगासे थैहां थैहां जानानै।
दावहानि सल' खोनाबाय आं
गावनिनो फारनै खोमाजोँ,
आंनि थैफ्रामनाय जिउआ
बेबादिनो सिरिमोन्दोँ थुंग्रिनि मोदान्नायजोँ।
आं दिनै गाबज्रिफिनो
आंनि थैफ्रामनाय लोगोफोरखौ,
जिउ दावहानि थाखाय,
आरोबाव समायना मुलुग सोरजिनो।
हे आंनि थैफ्रामनाय लोगोफोर
आंनि थैयाव सिफुं सुदोँ,
गोजोन बार बारहोनो अख्रांआव
गोदान दैसा बोहैहोनो मुलुगाव।
आंनि थैफ्रामनाय जिउआ
खाम दामदोँ खोनासं लोगोफोर,
दावगाबो आंनि सेराव
मेथाइ रोजाबनि एभारेष्टनि थिखिनियाव।