गोर गोर खारबोना
मिनिथाव-थाव जाया जाया
सानफामानि बिजाब फरायग्रा
दनायखं माहाजोन बांबुरनाव
फिसाज्ला फेँखाया सोँफैदोँ
आफा-आफा-आफा
100 था अमा फिसिना
दालिगामिनि BRPL खौ
बायनो हागोन-ना हाया?
आरो हां खुनसेनो सोँबावदोँ
100X4 मिटार फोथाराव
100 था अमाखौ
फिसिनो हागोन-ना हाया?
नोमा-नोम्फा सोँनाय जाखो
खर' खुरलु खुरलु
बांबुरा सान्दोँ-
माष्टारनि हम्वर्क ना
फाल्टु बर' सावथुनावसो नुखो?
मा सिमां मोकथां कुइसन बेलाइ?
बहा दं बेनि फिन्नाया
आदै नेहुरुनि Discovery of India
ना आब्दुल खालामनि
India 2020: A vision for the New Millennium
नागिरबायदोँ फिन्नाय बांबुरा
सुंद' सल', सल'मा
सेक्सपेयेर, हाज'वारि
कमल ब्रह्ममोननि थुनफावथाइयाव।
This poem has not been translated into any other language yet.
I would like to translate this poem