आंनि गाबनाय हमथानानै
अनजालिनो रादाय होनाया
बेसेबां गोजोनथाव!
आंनि रंजानायखौ दोनथनानै
आयनि मोदै हुगारनांनाया
बेसेबां दुखुसिनबाव! !
आंनि अलसिया जोथ्रोदनानै
आफानि हाबाव आखाय होनाया
बेसेबां गोगगाथाव!
आङो अलसिया उन्दुना
आफानि गोलोमदै गसरनाय नुब्ला
बेसेबां लाजि नांथाव! !
आङो बुंनो हायोब्ला-
आफानि नांगोल, आंनि रेबगन
आयनि बोसोन, आंनि मिजिँ
अब्ला..... आंनि दुखुआ दुखु नङा
आंहा मेँनाय थालिया।
आङो समाय लायोब्ला-
सान हरखौ लामा नाया
सान्दुं अखाखौ जिँगा सिया
आयनि गोगो मोदैजोँ
आफानि गोलोमदैजोँ
आंनि जिउ आरो सोलेर
थांना थागोन आयनि थाखाय
थांना थागोन आफानि थाखाय।
This poem has not been translated into any other language yet.
I would like to translate this poem