खोलानि बारआ जेरै गां फुवारो Poem by Ronjoy Brahma

उन्दै समाव फुथुलाबादि
बिबो बामो बिबो बामो
आंखौ बेसेबांदि बामदोंमोन.........
बिनि आखाय बिनि आखाय लंदां देरदोंमोन आं

आरो बैफोरखौ गोसोखांनाय जालिया
दा आंदि रोमोदो थाइलाद' फिथाइ
सिरिगारदों बालाबारिआव
अब्लाबो हमना लाबाय आंनि बेंखन गैयै गोसोआ हयथ' अनथाव

आंनि लोगो फाइखिआ मांखरआव उनदुलांदों
आरो आंनि लोगोनि हाराखौ सावफ्लेनाय अरआ
आंखौ जमनानै दं
ऐबार आं गांखं फुवारना बिरदावगोन

आयआ आंखौ सिद्लाआव दिन्दौनायनि उनाव
गासैबोे फाराखौ गिदिंना नायबाय आं
बे बारआव थाव थेलेफाआ बबेथिं खारलांखो?
आंनि आखायआव मोनसे बमा फिथर

मानोना आं गोरबोआव मोनसे गोर्दोन गोग्लैदों

आरो आंखौ बामग्रा गैलिया
लामाआ जेसेबां आंखौ बोलाङो गोजान गोजानसिनथाराव
दावबायनायाल' आंनि हाबा
बर' बाहाय मेगनखौ दैजों सुनानै ला