गोरबो इसिँनिफ्राइ -123 Poem by Ronjoy Brahma

दिनै बांग्रिँ जानानै नोङो फैयो
आंखौ दान्दिसे मोसा होयो
-
दिनै सोदोब होनानै नोङो फैयो
आंखौ गल' नायगोमो होयो
-
हे गसाइ! मिथिया आंलाइ
फै मोखांआव फै लामायाव
थं गसंफै नोँखौ खुलुमनि
रैसुमै रायदावफै आङो खोनासंनि
-
दिनै बार जानानै नोङो फैयो
दिनै अखा जानानै नोङो फैयो
नोँखौ गनायो नोँखौ गनायो
नै गियानि नोँखौ खुलुमो
लामायाव सिमांआव हाबायाव
नै लोगो नोँखौ आं हास्थायो
-
फै अबं सान जानानै
आंनि खोमसि सान्नाय सिमांआव
-
फै अबं बांग्रिँ जानानै
आंनि सोलेर नंखाय आगानाव
-
नै मिथिगिरि गियानि जोहोलाव
नोँखौ गाबज्रियो आंदि घियानाव
-
फै गेलेफै उन्दै जानानै
फै फोरोँफै गुरु जानानै
नै आफा नोँखौ हांख्रायो गसाइ
दैबाय दैबाय आंखौ नोङो
नोँनि सोरां लामा लामा
-
नै गिरि हो आंनो
नोँनि मुं हां मोनफ्रोमाव
नोँखौ खुलुमो गसाइ
हायाव बार अख्रांआव।
-
28/06/2015
आयनि देरा।गामियाव