गोरबो इसिँनिफ्राइ- 126 Poem by Ronjoy Brahma

जोबोद समायना दिनै
हे परम ब्रह्म!
सोरजिगिरि महरगिरि
हो आंनो सोरां नायनो
हो बाखोनायनो खुसि गोरबो
-
आंनि आर'ज नोँखौ बुङो-
फै आरोबाव बार अखा जानानै
फै नोङो खुसि खुसि मोसानानै
-
नै गिरि जिउ नोँल'
नोँल' आंनि सासेल'
फै मिनिसुलु सान जानानै
जारौ मारौ फुं फैसालियाव
फै अखाफोर जानानै
अनथाव बाथाव लाजिनानै
फै सानाव फै हराव
फै बाराव फै दैआव
-
नोँ फै नोँ फै गसाइ
आंखौ गोबाख्रब फै
आंनि मेगनाव मोदै गदोँ
आङो गोथौ सानहाबदोँ
-
जोबोद समायना दिनै
हे परम ब्रह्म!
सोरजिगिरि महरगिरि
मेसेबनो नेवसिनानै
नायनो हो नै गिरि
नोँनि सोरजि नोँनि मुलुगखौ
हो हो गसाइ गोरबोखौ
हो हो गिरि गियानखौ।
-
28/07/2015
आयनि देरा।गामियाव