गोरबो इसिँनिफ्राइ- 131 Poem by Ronjoy Brahma

दिनै नोँखौ आलो गोजोन बावगारनानै
बे रंजानायखौ नांथारलिया गसाइ
आंनि थै हारायाव
आंनि मोदोम बिगुराव
नोङो फैदो फैदो गसाइ
गोबानानै जोँखोल मिनिनानै
-
आगाननि फोलानायखौ हाद्रि खालामनानै
नंखायनि लामायाव हाब्रु खालामनानै
गसंफैदो नोङो गिरि
जिउखौ हाबायाव मुखुब नारसोमनानै
-
नै सिबिजाग्रा गेदेर गसाइ
नोँखौ हांख्रायो दिनै-
लामायाव हाबायाव सान्नायाव
नोँखौ नागिरो थै हारा मेलेमाव
-
नोङो फैदो फैदो गसाइ
बिखायाव गोरबोआव सान्नायाव गोबानानै
रागाखौ गासोमनानै बेयाव
लाजिनाय नंखायनि फावथिनाखौ
सावै सावै गोरोन्थिखौ हाथफ्ला खालामना
नोङो फैदो फैदो गसाइ
लामायाव आंखौ आखाय हमना बोथारदो
-
नोँनि होनाय सोरांआवबो
थाबायै थाबायै लामायाव मेँख्लाबनायखौ
नोँखौ बावगारना थेनथ'नायखौ
बोखांदो बोखांदो नोङो
बुस्रोद बुस्रोद बोलांगारदो
-
बे सोलेरखौ नोङो सैख्लाबगारहर
अखा-सान्दुं सहाय हायैखौ
बे गोसोखौ फबगारहरथारदो
सान हर नोँखौ बावगारथारनायखौ
नोङो फैदो फैदो गसाइ
आंनि गासै हामा नांनायखौ
नोङो गाज्रि नंखाय नुनायखौ
सावै सावै हाथफ्ला खालामगारदो
-
नै मानिजाथाव गिरि
अनसुला जिउ परम ब्रह्म
अखाखौ हर गोजोनग्लायथोँ
सान्दुंखौ हर गोजां गाथोँ
बारखौ हर रंजानो आङो
दैखौ बोहैहो गोजोननो आङो
नै जिउनि लोगो आंनि
नोङो फैदो फैदो सिमां मोकथां।
-
04/10/2015
बंङाइगामि