गोरबो इसिँनिफ्राइ- 152 Poem by Ronjoy Brahma

गसाइ फै खोमसियाव
मिथिगिरि नोङो सोरां
होगिरि गियान सोरजिगिरि
सैथोनि अर
-
गसाइ सैथोनि फुंखा नोँ
सोरां गियाननि गिरि नोँनो
बाखोनायो आं
नोँनि थाखायनो आंनि मेथाइ
-
गसाइ फै खोमसियाव
बे दुखुखौ फोजाबनानै
नंखाय बे आन्दायनाय गाबनाया
गसाइ सैथोनि फुंखा नोँ
-
हो आंनो फिसानो
सोरां होना मा ओँथि बुजिनो
आजावनो हानाय गोरबो
मुवा मोनसे मेलेमनि सोलोँनाय
-
गसाइ जोनोमनिफ्राय नोँनो
गिरि थाबायनायनिफ्राय नोँनो
लोगो नोँनो सान्नाय मावनाय
नोँनो दैदेनदोँ हाबायाव
-
दिनै आं सोङाखै गसाइ
आं बिदोँ-
सैथो लोगो सैथो गिरि नोङो
थाबायथा आंनि थाबायथा
जेराव जेरै जेब्लाबो नोँनो।
-
20/11/2015
गामियाव